It's Not That Complicated

Noong bata pa si Intoy, problema niya lang kapag may nakikialam sa kanyang pag-iisa. Noong elementary, kung kanino pa siya makapanghihiram ng komiks, at kung paano niya imamasaker ang mga langgam sa bakuran nila. Noong high school, problema niya kung paano ibuod ang bawat kabanata ng Noli at Fili nang hindi magagalit ang mga teacher niya kasi nagdaragdag siya ng kwento; at ang relasyon ng coordinates, Cartesian plane at chemical bonding. At noong college, kung paano mapapagpasensyahan ang mga prof niya, mapagkasya ang baon, at ang pagbili ng secondhand books. Saka si Jen—ang pinakamasaya't pinakamaganda niyang pinroblema.

Ngayon: kaligayahan, katahimikan, trabaho, kaopisina, boss niya, boss ng boss niya, si Tina, at syempre si Jen at... sige na nga, world peace.