The Next Great Tagalog Novel At Iba Pang Kuwento

At kung maisusulat ko ang kuwentong ito na kung tutuusin ay kuwento naming lahat na nagtangkang magsulat, hinding-hindi ko ito ilalabas sa kahit saang publikasyon. Posthumous siguro pero hinding-hindi sa buhay na ito. Kapag patay na ako, puwede. O kapag nakasulong na siguro ang Pilipinas mula sa panahon ng kapitalismo patungo sa bagong dispensasyon. Dahil kung gagawin ko ang paglalabas ng ganitong kuwento ay parang pinasabog ko na rin ang sariling bahay na nagsisilong sa akin. Kaya sa ganitong pagkukuda ng mga hinanakit na lang ako maaaring magkasya sa ngayon. —Mula sa aklat